如果你鍾意攝影, 可能有機會聽過Street Photography (“街拍”) 這一詞. 而Street Photography正正就是陳蝦其中一樣最鍾意既拍攝主題啦
咁乜野係Street Photography呢?
先睇一睇Wiki Street Photography 既definition:
Street Photography Street photography is an art photography that features the human condition within public places and does not necessitate the presence of a street or even the urban environment. (From Wikipedia)
Street Photography 可以算係紀實攝影的其中一種, 攝影師走在城市入面, 等待決定性瞬間, 捕捉所有發生於城市入面的人和事, 從照片中帶出攝影師心目中的Message, 就係Street Photography 啦
咁點解陳蝦鍾意Street Photography呢?
其中一個原因係.....因為一般而言, Street Photography 既相都係很有Feel 的, 我還記得初初接觸這類型既相片時, 都很驚嘆點解可以有呢種sense 去capture 到呢d “Moment”, 當然身為一個冇乜art sense 既葉魚攝影師, 其實好多時都feel唔到(or 唔肯定)攝影師想帶出乜野message, 只係覺得呢個主題既相都有很feel, 正正因為這個原因, 陳蝦就踏足了Street Photography 既領域啦(蝦註: 少年你太膚淺了….)
再者, Street Photography既特別之處, 當你出門口上街影相既時候, 你永遠唔會知你當日可以影到乜野相, 因為你去影其他主題既時候, 你可以Plan ahead 想影乜野同指導個model 點做posing, 不過影Street Photography既時候, 所有街上發生的事都是充滿著隨機性, 每一秒有在發生著不同的事,
而你總唔可以叫你既object (likely係路上既途人啦)擺posing, 或者叫佢企乜野位, 而呢個亦都係Street Photography最有趣同最有挑戰性既地方 (蝦註: 不過有時可能行左成日一張相都影唔到呢.......), 影Street
Photography對我最大既幫助係, 而家上街既時候會留意多左身邊的事,
而且都令自己影相setting用既時間快左, 決斷力都高左 (我知道有時唔係好事.........)
咁陳蝦點樣影Street Photography (好似係) 呢?
其實初初開始拍攝呢個主題既時候, 目標只係希望拍到一些自己鍾意, 有feel既相, 所以都係weekend 的時候到屋企附近的地方走走行行, 再亂咁拍拍拍 (蝦註: 呢個其實就係點解我facebook咁多"亂咁拍拍拍"既Album, 因為實情係我真係亂咁拍拍拍......所以既謎都已經解開了), 因為所有發生在街上面既事都係一瞬即逝. 所以開頭既時候真係拍唔到乜野相, 主要原因係, 當我見到一些特別既 "Moment" 發生, 當時既自己又唔熟部相機既setting, 教好setting想影既時候, “Moment” 都已經完結了 ……
之後都睇左好多書, 上街影得多, 慢慢就影得快左, 而慢慢就開始Capture 到一些自己鍾意既Moment 啦
其實嚴格黎講, 直到今日我都唔覺得自己影既係Street Photography, 因為好多時自己都冇Message想帶出黎, 又或者其實自己根本未有功力做到, 所以一路我都係同人地講 ~ 我鍾意上街影下snapshot 同 "亂咁拍拍拍" (蝦註: 我真係好鍾意呢個名 XD), 亦都係因為呢個 "興趣" , 我就Start up 左ParaShrimp.Fotography 呢個Page, 希望可以將自己Capture到既Moment同身邊既朋友分享啦 (蝦註: 所以ParaShrimp.Fotography 既Motto 係 "Framing the Moment" 啦)
最後同大家分享幾張陳蝦自己好鍾意既snapshot 啦
