“荒漠行者” - 拍攝工作支援

為左Keep 住團寫Blog 既火, 拿拿淋出多一篇先~

剛剛過去的Weekend, ParaShrimp.Fotography 又再出動了, 今次我地有幸得到阿德君@16aab的邀請, 支援佢既私人企劃“荒漠行者”既拍攝工作 (多謝阿德既邀請呢~)

呢次既拍攝主題, 其實同陳蝦君既喜好息息相關的, 就係軍事題材啦, 身為軍事控, 有機會影軍事題材真係會開心到人都癲 (法官大人: 當事人請你冷靜….)

咳咳…認真d 先…今次因為係支援既關係, 所以全日都上住支70-200, 唔使幫手既時間就自己走位影相,  因為拍攝場地夠大, 所以都有足夠既位俾我走, 就算用200mm 都可以影到全身相~ 而受惠於200mm tele end帶來既”壓縮感”, 我開始明白點解影Pre-wedding 既師傅咁鍾意要70-200 啦 (蝦註: 你會唔會遲左少少呢?)

至於Lesson Learned 呢:

-      當日全日都天陰陰, 對於我黎講反而係好事, 最少d lighting 唔複雜, 用AV mode 再+2/3 Exposure就可以應付到大部份既情況了

-      不過今次真係太懶了 (蝦註: 仲未從上星期復完呢~), 冇落Belt kit之餘 又冇帶Grab bag, 所以有鏡都換唔到….(所以點解全日都係用住支70-200), 雖然用70-200 影得好爽, 不過有d窄位真係影唔到就係影唔到…….下次幾懶都要最少上返條Belt….

-      以前影相都會根據唔同既情況換鏡, 相反今日都只係用70-200, 感覺上反而多左諗點樣運用支鏡, 點樣走位先影到好既角度, 點樣先capture 到靚既自然光, 影完一日之後, 對支鏡既認識好似深左(蝦註: 我想”默契好左”, 不過又好似講到好誇張…..)

-      又係Flash 既問題………我諗閃光燈呢個題目應該係我未來要落最大功夫既地方, 有用燈同唔用燈真係有好大既分別……

-      影以人做主題既相真係”Model 先決”, 多謝Alan 君, 阿德君同阿藍哥既出力演出先有咁多靚相~

-      最後一提, 今日冇上星期咁”重裝”出擊, 所以都係用3-day Pack 裝晒D gear 就出發, 真心覺得個袋既capacity 唔夠用…..加左Insert 放晒d相機, 鏡同其他工具之後, 基本上已經冇位再放其他私人野……..其實有個再D大既Backpack 會好少少既…….(蝦註: 不過屋企已經冇地方再放多個袋了……)

最後送上幾張當日既相啦


(自己好鍾意的一張, 睇落有d電影感呢)


 (另一張自己好鍾意的, 好有臨場感呢)